魔力寶貝

一個遊戲的開始不需要甚麼理由，就正如一個人開始玩一個遊戲同樣不需要理由。

從前有一位魔力寶貝，佢好健康快樂
同時以帶俾身邊朋友快樂為己任
不過d人一d都唔錫佢
甘仲點解會快樂？都冇人錫錫
終於，魔力寶貝病左啦
冇人問過點解佢會病
大家都淨係識得怪佢
"搞錯ㄚ，又病，再係甘落去我搵過第個嫁"
"咪係囉，個個禮拜都要睇次醫生，又鬼死甘耐啵"
"你睇下人地古惑仔，成個月先做次身體檢查咋"
唔知佢會唔會好番呢？
一日唔食藥一日都唔會好
魔力寶貝應該唔中意食西藥
副作用大ㄚ嘛
食左如果一個禮拜病多幾次咪大鑊!?!?
中藥咩，佢又好怕苦
甘點算?
不如睇下電視開心下啦
都好，甘睇乜好?
梗係大長巾啦
唔係呱，甘out
甘睇阿旺新傳啦
係啵，阿美麗甘索，睇完即刻變摩托ㄚ
魔力寶貝相信阿美麗係一個心地善良既人
起碼佢笑同唔笑都冇分別
唔似得某d人
見面笑吟吟，一睇就知係壞人
個世界壞人甘多你殺得曬咩?
只要有錢，壞人都可以變好人
同叫雞既道理一樣
只要你有錢埋單理得你七老八十好人定壞人
同埋你理得人甘多姐
出錢出力果個又唔係你
魔力寶貝變得好情緒低落
當初一齊開開心心
而嫁竟然可以變到甘現實
一日魔力寶貝忍唔住問佢地
究竟我仲應唔應該留係度
冇人理佢
因為佢唔再係大家唯一既朋友
多個唔多，少個更好
突然一個細佬同佢講
"留低啦，唔好走啦"
點解ㄚ
"因為我想同你做朋友囉"
點解ㄚ
"我都唔知ㄚ，淨係想同你做朋友咋......"
就係為左甘魔力寶貝決定繼續留低
因為佢唔知幾時又會有一個想同佢做朋友既人會出現
佢...唔介意不停甘等了又等

曾幾何時我就像那小朋友，單純的想在遊戲裡找到快感。後來，認識了豬朋狗友三五成群，雖然大家都天各一方，但在螢幕之前卻感覺貼身。回想起從前，三腦齊驅，一部趕做工課，一部上網看攻略，一部跟隨皇上東征西戰殺滅魔獸，甚是痛快。

久而久之，昔日段段白癡得發笑的時光，那個三腦齊驅畫面卻變成了歷史塵埃，記不起，卻放不下。我變現實了嗎？當然，人會大月會圓，不過理由卻是在那裡我再也找不到任何值得，又或者衝動讓我再次變得白癡可笑。