精神病

現今都市人都好容易患上精神病，拿~ 咪同我講你唔會！我本人呢就有相類似經驗啦，每次做緊一D野又或者聽到一D說話既時候呢，我就會病發嫁啦，腦入面會有把聲音講埋D九唔搭八既野，借個機會係呢度同大家分享下........

電視廣告篇

當Danver同我講話公司遲遲仲未搵到人過黎呢邊渣fit既時候：
搵工跳槽 Sha la la la Sha la la la la la la.........

當同事A話我聽佢岩岩有左BB既時候：
你應該搵.......母親的抉擇！

當我同周公肉搏得興起，突然俾個鬧鐘嘈醒我去番工既時候：
用彈性上班時間，番工就更加歎啦！

好日都唔出下夜街，話說有日小張約左我去體驗下上海D夜生活，點知一出門口就差錯腳跌左落"tum"水度：
「打波先黎落雨....唔通連個天都唔鍾意我？」

當睇住自己既晚餐係腸仔雙蛋米既時候：
我真係好掛住媽咪ㄚ......

有次無聊，抄番細佬以前盒lego出黎玩，搞左半粒鐘，竟然連間屋都砌唔到出黎既時候：
樂高多創意，件件考心思！

每次敷完mask之後照鏡既時候：
D "pi" 膚好似"基"蛋甘，白得黎好"姦"淨.....

當個新嗾嗾既銀包用左唔夠兩日就連同入面既3000蚊係坐巴士之後就不翼而飛既時候：
不在乎天長地久，只在乎曾經擁有！

當8婆Y同我講話佢同ㄚ賓決定左1月就結婚既時候：
結婚呀﹖恨到啦！拿，同佢開個綜合戶口，儲蓄定期外幣，全部列齊曬，睇佢仲點作怪。

某日同8婆C係白宮餐廳下午茶，佢忽然同我講要食double chesse cake既時候：
「我係咪好任性ㄚ？」「係！不過係我揀既！」

電影篇

眼看住同事B同K為左爭輪邊個條橋比較殺食嘈到面紅耳熱既時候：
爭咩丫，撈埋黎做個瀨尿牛丸丫笨！

當用緊illustrator畫野接近完成階段，部電腦突然hang機既時候：
小強！小強你點呀小強！小強你唔好死呀小強！

某日放工之後，去左紅蜻蜓按摩，由於太舒服忽然間起左少少生理反應既時候：
邊個淫蕩呀？我淫蕩！邊個淫蕩呀？又係我淫蕩！！

每次想提早收工蛇番屋企，行過公司條長長既走廊直奔大門既時候：
你睇我唔到！你睇我唔到！

過年果陣打電話去同一個都幾耐冇見既舊同學拜年，當佢話真係估唔到你會打黎ㄚ，仲以為你已經唔記得左我添既時候：
點會呢，就算係一條底褲一張廁紙都有佢既作用，國家係唔會忘記既！

某日公司同事happy hour，當同事Q問我你個女朋友係咪係香港既時候：
唉.......我呢D浪子，邊有初戀架........

老竇公司擺春茗，影左張大合照send俾我睇，當我睇到第二行左邊數起第6個女士既時候：
你快點回去火星吧.....地球好危險ㄚ！

當我係地鐵用緊個虧到冇得再虧既手提嘶聲震天甘講緊電話，旁人都對我投以厭惡眼光既時候：
亞sir，我大聲講野唔代表我無禮貌！

每次當我好有衝動想入次所用我隻神聖既左手去解決我淫穢既欲望既時候：
一個男人一生只有一個1.25公升可樂樽甘多架咋........

當賤人G同我講sorryㄚ，岩岩果場個e-win虧左買唔切ㄚ既時候：
我讀得書少，你唔好呃我！

岩岩1月3號既賽馬日，係跑完第一場，財散人安落之後：
牌品好，人品就自然好嫁啦。

當小張話俾我聽隔離公司果個超索女秘書原來係lesbian既時候：
如果有一天，或許一年後，或許三年，如果你開始喜歡男生，你一定要第一個告訴我。

動漫篇

有次同友人W傾電話，言談之間發現原來「搞gap」個「gap」原來應該係「gag」既時候：
所有既迷底巳經全部解開啦........

當我睇到公司D annual report竟然全部係用簡體中文寫既時候：
叮噹啊~ 你要幫我ㄚ...........

當賤人J同我講話佢又同老婆炒大獲，想我黎緊呢個禮拜番HK陪下佢既時候：
同一招用黎對付聖鬥士係無用既.........

睇住份proposal既deadline日漸逼近既時候：
偉大既神龍啊.......快D出黎啦！