曾幾何時係一個年輕女子口述中知道左香港而嫁流行有一名詞 -
「搞gap」！從來係我眼中個「gap」字既用法都係用黎講牌子....又或者用黎描述女性的某個部位............不過好明顯家下d新世代已經進化左好多好多！經過多番查證後，原來「搞gap」姐係做一d低能又或者好柒既事而引致旁人起鬨或大笑~
順帶講埋
「hea」呢個字，因為跟住落黎會幾常見到~ 就讀音而言其實已經估到一二，其意思等同於漫無目的甘留連，又或者形容一個人好憔悴，無所事事等~ 例句見下：
「今日我同班hea人去左尖嘴hea, 然後再hea埋落金鐘睇King Kong」
(今日我同班無所事事既人去左尖嘴漫無目的甘留連，然後再留連到金鐘睇King Kong)
「唔知飛機頭係咪俾老婆毒打完黎呢，今日見佢成個人hea曬.......」
(唔知飛機頭係咪俾老婆毒打完黎呢，今日見佢成個人憔悴曬.........)
xxxxx
是日「gap」選之一：你老母搵你.....唔該聽電話..............話說今朝孝順完爹娘去飲早茶之後就自己hea左去沙田大會堂睇一個關於contemporary art既exhibition。入到去竟然發現個exhibition已經完左..... 真係小喇叭，甘辛苦搭左大拿拿兩個站火車入到黎我點可以俾自己帶住疏蕉hea番出去(注：但凡同路軌有關既野筆者都非常討厭.....)~ 問左information一輪，知道40分鐘後有個關於impressionism既talk。ok，唯有去新城市hea下先囉，反正都好耐冇行過，經過30幾分鐘差d蕩失路既危險之旅後，我就跌跌撞撞甘摸到去個hall度聽talk。
個talk幾唔錯嫁(有興趣既可以自己去hea下~)，關於新舊impressionism既野都講得好詳細，又好多slide睇，廣為人知既例如Paul Gauguin, Claude Monet, Vincent Van Gogh等無一遺漏；偏門d既例如Pierre Auguste Renoir, Georges Seurat, Paul Cezanne, Henri Lautrec等亦都一網打盡！但係當睇到Van Gogh果幅The Starry Night果陣.........shit happend~
「你老母搵你.....唔該聽電話.......你老母搵你...........」
好無奈 = =" 全村人都望實我.........即時發覺自己gap到爆，不過最爆都係講talk條友，慌死我唔死甘大聲對住我叫.........
「以後聽講座果陣記得唔好再俾你屋企人搵到你啦........」
sorry sir, 恕我低能，係果刻我真係唔識欣賞你既幽默感 = =+ 故事未完，類似既情況係夜晚同幾個hea友去睇King Kong果陣又發生多次.....!!! 當隻變種猩猩王同d侏儸紀大怪獸肉搏個不亦樂乎之際，我個電話又再除除響起.......
「你老母搵你.....唔該聽電話.......你老母搵你...........」
shit......好鬼turn off!!! 跟住個個人都好似當左我係果隻猩猩甘.......做乜姐你地 =-=" 個螢幕係前面ㄚ，後面冇野睇嫁OK!?!?!?!?
睇黎我都要開始習慣下用個震機function...............
是日「gap」選之二：騎馬仔~話說傍晚時份同班hea友出左去尖嘴hea！行過金馬倫道一間機舖，hea友一號突然機癮起，甘咪拉大隊入左去尋歡囉~ 都好耐冇入過機舖打機啦，感覺hyper之餘又有d憶當年嘿嘿~ 突然，hea友二號向我大叫.......打斷左我個好夢~ 原來佢搵到部騎馬仔機 @@" 講多無謂啦，唱錢然後一躍上馬，誓要同hea友二號黎場香港打比前瞻！
一出閘我隻可愛小白馬應聲彈出，然後留守係馬群較後位置，跟住就搵下我個勁敵係邊~ 望望隔離畫面.....條友竟然慢閘@@"
「哇哈~ 等食塵啦你~!!」
「shit, 甘就一拍兩散啦.......」
佢竟然係甘隊隻馬上黎撞我隻馬個pat~
「fuck = =" 你咪甘銀冇品得唔得........」
「呢招叫食氣流ㄚ~ 合法衝撞黎嫁低b!」
「妖~ 你個頭隊銀住我屎忽都叫合法衝撞???? 你short上腦ㄚ~!?!? 咪隊啦......變左放頭啦家下.....」
「哈~ 你咪理!!! 同我玩超級無敵跑馬仔你都未死過~」
明明我隻係後上馬......俾佢隊到rolls on去左前面放頭 = =" 條友依然唔肯放過我~
「fuck!!!!!!!! 甘銀鐘意搞屎忽去搵你條女啦，咪再搞我.....」
「有得搞早就搞左啦!!! 條女去左日本ㄚ，唔係你鬼有機會見識我d騎功呀~」
原來.........搵我黎發洩 =-="" 真係開始玩到我成個人灰曬...........
「頂你ㄚ.....甘你咪去叫雞囉~ 搵個女既都好過搞我ㄚ!!!!!」
「唔得，鬼叫你個屎忽甘白淨呀~」
「dont fuck me la 唔該=-=" 就爛啦個屎眼......」
轉完爆炸灣，終於黎到最後直路啦~
「屌ㄚ~ 隻馬冇力啦仆街....仲隊!!!!」
「哈哈哈.....甘我行先啦~ 食塵啦粉腸!!!」
就係甘.....基本上大部分時間我地兩隻馬都好似連體嬰甘麶到實一實甘完成左成場賽事~ 跑獲既名次分別係11th同12th = =+ 玩完之後望下後面...shit!!! 成大棚fan屎係度「觀戰」....... hea友二號仲好似岩岩拎完奧斯卡甘好自豪甘姿姿悠悠甘離開「案發現場」.....條友真係可以唔面紅嫁啵......離開既時候隱約聽到........
旁觀者A「哇~ gap爆ㄚ果兩個人.........」
旁觀者B「係囉...........」
旁觀者C「............」
